ACTE
G. Ortolan pour Isarn, abbé de Conques
"G. Ortolan pour Isarn, abbé de Conques" dans la base Telma - Chartes (permalink : https://telma-chartes.irht.cnrs.fr/196483). Consultation du 23/01/2026.
Gustave Desjardins, Cartulaire de l’abbaye de Conques en Rouergue, Paris 1879, n° 573, p. 404.
G. Ortolan
Isarn, abbé de Conques
Occitan
ca 1160
RODEZ
Notice
non suspecté
non
Rachat par G. Ortolan des deux tiers de la leude de Conques mis en gage auprès d’ Isarn, abbé de Conques.
Conoguda causa sia a toz los homes que aquesta carta ligerau que l’abas Isarns avia a pennura las doas parz de la leida da Concas per VIIII marcs d’arjent ; li una parz apartenia am B. Frotart, et avia la a pennora per IIII marcs d’argent, e l’altra parz apartenia als effanz Aimeric del Erm, et avia la a pennura per V marcs d’arjent. Enz G. Ortolas quera convenenser d’aquesta honor, acordet se am B. Frotart et am Guillelm de Conchas que erom batlie dels effans Aimeric del Erm, e redemet la de l’abat. Aquesta carta laudet et autorguet B. Frotarz, ens Guillelmus de Conchas an G. Ortola et assa molier et assos effanz et a toz aquels homes que per lor pro ho demandario ; e fero il fiansa que guirent l’en fosso de toz homes tro VIIII marcs d’arjent l’en aia hom reduz, ens Uc de Conchas, ens Guaris Ucguers feiro e fiansa eisament per la guirentia. S. Lobreir, en Ponson Odo, en P. Guirart, en P. de Goliniach, en Ra. Maestra, en P. Odo, en Uguo Faral.
Cartulaire
Cartulaire de l’abbaye de Conques , début du XIIe siècle, Rodez, Bibliothèque de la Société des lettres, sciences et arts de l’Aveyron, ms. 1.
406
Inès Musset
Chartae Galliae
Inès Musset (22/05/2025 16:06)
Inès Musset (22/05/2025 16:06)