Général
-
Innocent IV (1243-1254)
-
Tous les fidèles du royaume d'Angleterre
-
l'église Saint-Jean de Lyon
-
V kalendas maii, anno quarto
-
-
Lyon
-
Titre, indulgence (litere gratiose, cum filo serico)
-
[Registre de la chancellerie apostolique] R. CITÉ DU VATICAN, Archivio apostolico Vaticano, Registra Vaticana 21, n. 571, fol. 378.
-
[Copie moderne] S. FRANCE, Paris, Bibliothèque nationale de France, Collection Moreau 1196, fol. 140 et 142 (La Porte du Theil).
-
[Vidimus] F. FRANCE, Lyon, Archives départementales du Rhône, 10 G 571 [images en ligne]. Vidimus des indulgences attachées à la fabrique de l'église, donné par Pierre de Savoie, archevêque de Lyon, en 1316.
-
Ici reprise de Élie Berger, Les registres d'Innocent IV, Paris : Ernest Thorin, Fontemoing (BÉFAR), 1884-1921, n. 2568, d'après R [en ligne].
-
Partielle dans Raynaldi, Annal., 1247, n. 85 (1646) XIII, 642-3, (1692) XIII, 581, (1747) II, 395, (1864) XXI, 362.
-
Jean-Baptiste Martin, Conciles et bullaire du diocèse de Lyon, Lyon : Emmanuel Vitte, 1905, n. 1154, p. 298 [en ligne]. Le renvoi à Potthast n. 12496 est fautif.
-
Universis Christi fidelibus per regnum Angliae constitutis scribit de fabrica ecclesiae Lugdunensis, cujus quidem altare propriis manibus duxit consecrandum; porro omnibus vere poenitentibus et confessis qui eidem fabricae manum porrexerint adjutricem unum annum de injunctis poenitentiis relaxat [Berger].
-
Universis Christi fidelibus per regnum Anglie constitutis.
Cum non minus quam inter umbram et lucem inter veteris et novi testamenti altare distet, multo magis nunc in novo altari consecratio debet haberi sollempnis, que olim in veteri celebris habebatur. In illo enim carnales et irrationabiles victime mactabantur, in isto vero illud unicum et vivificum holocaustum semper offertur, quod pro redemptione humani generis semel in ara crucis extitit immolatum, videlicet unigenitus Dei filius Jhesus Christus, idem ipse sacrificium et sacerdos, qui et pretium in cruce se dedit ut moriens fideles suos a fructibus mortis erueret, et cibum se tribuit in altari, ut vivens fideles ad vitam alat eosdem, esus sibi edentes incorporans, ut per hoc quod accepit ipse de nostro et accipimus ipsi de suo in unum corpus, caput et membra insolubiliter uniantur.
Licet igitur omnibus benefacientibus fabrice Lugdunensis ecclesie, que dudum incepta est magno et opere sumptuoso [sic] quadraginta dierum indulgentiam duxerimus concedendam, quia tamen assistentibus nobis venerabilibus fratribus nostris cardinalibus et quampluribus episcopis et aliis ecclesiarum prelatis sacrosanctum altare ipsius ecclesie propriis manibus duximus consecrandum, volentes ob nostri memoriam indulgentiam hujusmodi ampliare, omnibus vere penitentibus et confessis qui eidem fabrice manum porrexerint adjutricem de Omnipotentis Dei misericordia et Beatorum Petri et Pauli apostolorum ejus auctoritate confisi unum annum de injunctis sibi penitentiis annis singulis misericorditer relaxamus.
Datum Lugduni, V kalendas maii, anno quarto.
Informations
Acte
Thomas
Girard
(Sorbonne Université), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 196666 (aposcripta-42978), https://telma-chartes.irht.cnrs.fr/aposcripta/notice/196666 (mise à jour : 18/11/2025).