« Traité d'alliance défensive entre Isabeau de Bavière, reine de France, Jean, duc de Berry, et Louis, duc d'Orléans. »
Identification du témoin
-
Traité d'alliance
FranceParisArchives NationalesK//55/A, n° 36 (et AE//II/426)Original
Sceau
-
n.c.
-
non
Analyses
-
Traité d'alliance défensive entre Isabeau de Bavière, reine de France, Jean, duc de Berry, et Louis, duc d'Orléans, avec engagement réciproque de se maintenir au pouvoir. Paris, 1er décembre 1405.
Texte
-
Nous Ysabel, par la grace de Dieu royne de France, Jehan, filz de roy de France, duc de Berry et d'Auvergne, conte de Poitou, d'Estampes, de Bouloigne, d'Auvergne, et Loys, filz et frere de roys de France, duc d'Orliens, conte de Valoys, de Bloys, de Beaumont et seigneur de Coucy. A tous ceulx qui ces presentes lettres verront salut. Savoir faisons que nous, considerans le grant bien, proufit et honneur qui peuent advenir a monseigneur le roy, a son royaume, et a nous pour nous tenir en bonne paix, amour et vraye union et escheuer toutes matieres et occasions de debaz, discors et divisions comme nous avons fait jusques cy, avons ensemble d'un commun accort et assentement, par grant advis et meure deliberacion, juré et promis, jurons et promettons, et chacun de nous par les foys et seremens de noz corps sur les Sainctes Euvangiles de Dieu et sur la vraye Croix pour ce de noz mains touchant, nous, royne en parole de royne, et nous, ducs de Berry et d'Orliens en parole de filz de roy, tenir, garder et acomplir inviolablement les aliances, poins et articles qui s'ensuient. Premierement que nous serons, tant comme nous vivrons, les uns envers les autres bons, vraiz et loyaux amis et aliez, pourchasserons le bien, honneur et proufit l’un de l'autre de touz noz povoirs. Et se aucunes personnes vouloient faire ou pourchassier, faire ennuy, dommaige ou deshonneur a nous ou a l'un de nous en corps ou en biens, soit pour le fait de mon dit seigneur le roy, de ses enfans et dudit royaume ou pour noz propres personnes, besoignes et affaires, nous aiderons, conseillerons, garderons et defendrons l'un l'autre de toutes noz puissances envers et contre toutes personnes, exceptez mon dit seigneur le roy et ses diz enfans, et escheuerons et empescherons le mal, dommaige et deshonneur de chacun de nous. Et s'il venoit a la cognoissance de l'un de nous que aucun voulsist entreprendre de le faire, dire ou pourchassier, cellui qui premier le saura le fera savoir aus autres et y mettra tout le meilleur remede que faire se pourra pour la tuicion, defense et garde de cellui de nous autre qui l'en vouldroit ou s'efforceroit de faire la dicte entreprise. Item durant la vie de mon dit seigneur le roy, entendrons ensemble et d'un commun accord et assentement au mieulx et plus diligemment que faire le pourrons aus besoignes et affaires de mon dit seigneur le roy, de son dit royaume, de la chose publique d'icellui, sanz ce que l'un de nous y face aucune chose se ce n'est en la compaignie des autres ou par le consentement de chacun de nous trois. En tesmoing desqueles choses, nous, royne, ducs de Berry et d'Orliens avons fait mettre noz grans seaulx a ces presentes lettres signees de noz propres mains. Donné à Paris le premier jour de decembre l'an de grace mil CCCC et cinq. Ysabel. Jean. Loys.
-
Isabeau de Bavière, reine de France
Jean, duc de Berry
Louis, duc d'Orléans
Charles VI, roi de France
-
France
Paris
Berry
Auvergne
Poitou
Orléans
Valois
Blois
Beaumont
Coucy
Bibliographie
-
Tracy Adams, The Life and Afterlife of Isabeau of Bavaria, Baltimore, éd. Johns Hopkins University Press, coll. « Rethinking Theory », 2010, 338 p.
Françoise Autrand, Charles VI : la folie du roi, Paris, éd. Fayard, 1986, 647 p.
Marie-Véronique Clin (préface de Régine Pernoud), Isabeau de Bavière : la reine calomniée, Paris, éd. Perrin, 1999, 269 p.
Jean Verdon, Isabeau de Bavière : la mal-aimée, Paris, éd. Tallandier, coll. « Figures de proue : biographies », 2001, 318 p.
Tracy Adams, « Isabeau de Bavière, le don et la politique de mécénat », Le Moyen Âge, no 3, , p. 475-486
Tracy Adams, « Christine de Pizan, Isabeau of Bavaria, and Female Regency », French Historical Studies, vol. 32, no 1, , p. 1-32.
Rachel Gibbons, « Les conciliatrices au bas Moyen Âge : Isabeau de Bavière et la guerre civile (1401-1415) », dans Philippe Contamine et Olivier Guyotjeannin (dir.), La guerre, la violence et les gens au Moyen Âge, vol. 2 : La violence et les gens, Paris, Éditions du CTHS, 1996, 313 p.
Rachel Gibbons, « Isabeau de Bavière : reine de France ou « lieutenant-général » du royaume ? », dans Éric Bousmar, Jonathan Dumont, Alain Marchandisse et al. (dir.), Femmes de pouvoir, femmes politiques durant les derniers siècles du Moyen Âge et au cours de la première Renaissance, Bruxelles, De Boeck, coll. « Bibliothèque du Moyen Âge » (no 28), 2012, p. 101-112.