« Inventaire des chevaux et chariots apportés par la reine Marie d'Angleterre »
Général
-
-
inventaire
Identification du témoin
-
inventaire
FranceParisArchives NationalesJ//650/A, n° 11terOriginal
Sceau
-
n.c.
Analyses
-
Inventaire des chevaux, chariots et harnachements apportés par Marie d'Angleterre pour son mariage avec Louis XII. Abbeville, 12 octobre 1514.
Texte
-
Inventaire des acoustremens de drapz d’or, velours cramoisy et autres drapz aportez d’Angleterre a la venue de la royne pour le service de ladite dame, tant a sa lictiere, cheval de parement, aubins et hacquenees, couvertures de chariotz et acoustremens des chevaulx qui servent a les menez ainsi qu’il s’ensuit. Et premierement : Le drap et acoustrement dudit cheval de parement, fait a broderie d’un drap d’or tres riche. Sellerie Plus douze selles de drap d’or, faictes a broderie, pour servir a douze aubins avec trois harnois completz de semblable drap et pareure. Item douze autres selles semblablement de drap d’or pour servir comme dessus avec douze harnois completz de semblable drap et pareure. Item plus une XIIe autres selles de velours cramoisy pour servir comme les precedentes avec les harnois completz de semblable drap et pareure. Chariotz et lictiere Primo Une belle lictiere couverte de drap d’or a fleurs de liz de broderie que deux grans chevaulx portent, acoustrez tant de selles que harnois y servant, tout completz, couvers de semblable drap. Et dedans ladite lictiere, y a quatre grans carreaulx couvers de pareil drap d’or. Et sur le dehors, est icelle lictiere couverte d’un drap d’escarlate d’Angleterre. Plus ung beau chariot branlant couvert de drap d’or frizé a franges d’or tout le tour dudit chariot. Et dedans, quatre grans carreaulx couvers de mesme drap d’or, et y a une couverte d’escarlate pour metre sur le dehors dudit chariot. Pour mener lequel chariot, y a l’acoustrement complet de six chevaulx, dont les trois ont selle, le tout couvert de semblable drap d’or et pareure. Item y a un autre beau chariot couvert de drap d’or a fleur de litz mot rayé illisible de broderie frangé de franges d’or tout le tour. Et dedans y a quatre carreaulx couvers de semblable drap avec une couverte d’escarlate pour le dehors comme au precedant. Pour menez lequel chariot y sont autres six acoustremens de chevaulx, dont le trois ont pareillement selle, le tout couvert de semblable drap et pareure. Item plus, y a un autre chariot couvert de velours cramoisy, frangé tout le tour de frange d’or. Et dedans, quatre carreaulx de semblable velours cramoisy couvers, ou n’y a par le dehors que une toille ciree pour le couvrir. Pour conduire lequel chariot, y a l’acoustrement de six autres chevaulx tout complet, dont les trois ont selle, tous couvertz de mesme velours cramoisy et semblable pareure. Fait a Abbeville, le douziesme jour d’octobre, l’an mil cinq cens quatorze. Filleul Chevaulx Plus y a dix sept hacquenees pour le service de ladite dame, toutes couvertes de couvertures dont les quinze sont toutes blanches et deux de gris, 49 salle, lesquelles ont esté amenees d’Angleterre. Item y a ung sommier de pareil poil que l’escuier de ladite dame dit estre pour porter quelques acoustremens pour l’affere de l’escuirie. Item plus y a dix huit jeunes chevaulx que grans que petiz pour servir a mener les trois chariotz branlans. Item six autres jeunes chevaulx qui sont ordonnez a mener le chariot couvert de la garde robbe de ladite dame. Item plus en y a treize qui sont pour servir a deux autres chariotz de garnisons et offices, tant a la tapisserie que allens ou on les vouldra employez, tous lesquels chevaulx ne sont fort bien enharnachez pour le present et en deffaut quelques pieces. Item plus y a deux grans beaulx et jeunes chevaulx qui sont ordonnez a porter la lictiere d’icelle dame. Fait comme dessus a Abbeville le XIIe jour d’octobre l’an mil cinq cent et quatorze. Filleul Inventaire des hacquenees, pallefroys, haubins et autres chevaulx, aussi de lictieres, chariotz, harnoys et acoustremens de l’escuierie de la royne qu’on a amené d’Angleterre avec elle. En octobre l’an mil VC XIIII a Abbeville.
-
Abbeville
Bibliographie
-
Charles Giry-Deloison, « « Une haquenée ... pour le porter bientost et plus doucement en enfer ou en paradis » : The French and Mary Tudor’s marriage to Louis XII in 1514 », dans David Grummitt (dir.), The English Experience in France c.1450-1558 : War, Diplomacy and Cultural Exchange, Ashgate Publishing, 2002, p. 132 – 159.
Informations
Acte
Marie-Adélaïde
Nielen
(AN), dans
Actes des femmes de pouvoir
label.quote.actes-des-femmes-de-pouvoir