Description
-
Clément V (1305-1314)
-
L'abbé, Bertrand du Colombier, et la communauté de Cluny, diocèse de Mâcon
-
Kalendas aprilis, anno primo
-
-
Avignon
-
Titre, général (littere gratiose, cum filo serico)
-
[Vidimus] F. FRANCE, Paris, Archives nationales, L 233, n. 4. Vidimus de 1337.
-
Ici reprise de Pierre Simon, Bullarium sacri Ordinis cluniacensis, complectens plurima privilegia per summos pontifices tum ipsi cluniacensi abbatiae, tum ei subditis monasteriis hactenus concessa, Lyon : Jullieron, 1680, p. 168-169 [en ligne].
-
n. c.
-
n. c.
-
Privilegium Clementis pape V contra eos qui invadunt res et bona fratrum Ordinis Cluniac. vel in ipsos manus injiciunt violentas [Simon].
-
Clemens episcopus, servus servorum Dei, dilectis filiis abbati et conventui monasterii Cluniacensis Matisconensis Diocesis salutem, et apostolicam benedictionem.
Habet opportune provisionis industria, ut vetusta renovet, et renovatione restauret, confirmet antiqua, et authoritate fulciat innovata.
Igitur tenore cujusdam privilegii folicis recordationis Urbani pape III predecessoris nostri vobis, et personis monasterii vestri concessi quod incipit nimia vetustate consumi, et quod inspici, et examinari fecimus diligenter ne propter vetustatem hujusmodi, vestris et monasterii vestri juribus, et libertatibus derogari contingat de verbo ad verbum ad perpetuam memoriam futurorum presentibus annotari fecimus, qui talis est :
« Urbanus episcopus, servus servorum Dei, venerabilibus fratribus archepiscopis, episcopis et dilectis filiis abbatibus, decanis aliisque ecclesiarum prelatis, ad quos littere iste pervenerint, salutem, et apostolicam benedictionem.
Non absque dolore cordis, et plurima turbatione dedicimus quod ita in plerisque partibus Ecclesiastica censura dissolvatur, et canonice sententie severitas enervatur, ut viri religiosi, et hi maxime qui per Sedis apostolice privilegia majori donati sunt libertate, passim a malefactoribus suis injurias sustineant et rapinas dum vix invenitur qui congrua illis protectione subveniat, et pro fovenda pauperum innocentia murum defensionis opponat.
Specialiter autem dilecti filii nostri fratres Cluniacenses tam de frequentibus injuriis suis quam de ipso quotidiano defectu justitie conquerentes universitatem vestram per litteras petierunt apostolicas excitari, ut ita videlicet eis in tribulationibus suis contra malefactores eorum prompta debeatis magnanimitate consurgere quod ab Angustiis quas sustinent, et pressuris nostro possint presidio respirare.
Ideoque universitati vestre per apostolica scripta districte mandamus, quatenus illos qui in aliquem de fratribus istis vel conversis instigante Diabolo manus violentas injecerint vel res seu domos eorum vel hominum suorum irreverenter invaserint, vel decimas laborum seu nutrimentorum suorum spretis privilegiis apostolice Sedis extorserint, aut ea que predictis fratribus de testamento decedentium relargiuntur, contra justitiam retinuerint, si laici fuerint eos candelis accensis sublato appellationis obstaculo excommunicationis sententia percellatis ; clericos autem appellatione remota a beneficio et officio suspendatis nutram relaxaturi sententiam donec predictis fratribus plenarie satisfaciant, et hi precipue qui pro violenta manuum injectione vinculo fuerint anathematis immodati cum Diocesani episcopi litteris ad Sedem apostolicam venientes ab eodem vinculo mereantur absolvi villas autem in quibus bona predictorum fratrum seu hominum suorum per violentiam detenta fuerant quamdiu ibi sunt interdicti sententie supponatis.
Datum Verone, decimo tertio kalendas aprilis. »
Nos itaque propter vestre sancte religionis mores vestris in hac parte supplicationibus inclinati hujusmodi privilegium ratum, et gratum habentes illud auctoritate apostolica ex certa scientia confirmamus et etiam innovamus, et presentis scripti patrocinio communimus decernentes, ut idem tenor taliter annotatus illud idem robur, eandémque vim, et etiam eumdem vigorem per omnia habeat, et habere debeat que habet privilegium supradictum, et eadem prorsus ei fides adhibeatur quandocumque, et ubicumque in judicio vel alibi productus vel ostensus fuerit, et stetur eidem in omnibus etiam si non appareret vel non haberetur, sicut eidem privilegio staretur si foret exhibitum vel ostensum.
Nulli ergo omnino hominum liceat hanc paginam nostre confirmationis infringere vel ei ausu temerario contraire. Si quis autem hoc attentare presumpserit indignationem omnipotentis Dei et beatorum Petri et Pauli apostolorum ejus se noverit incursurum.
Datum Avenioni, kalendas aprilis, pontificatus nostri anno primo. -
-
Indications dans l'édition des Chartes de Cluny quand Bernard et Bruel n'ont pas repris le texte : Urbanus, etc. Non absque dolore, etc. (Bull. Clun., p. 168, col. 2, nº 1.).(Arch. nat. L. 233, nº 4.)
Informations
Document
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 180434 (aposcripta-30592), http://telma-chartes.irht.cnrs.fr/en/aposcripta/notice/180434 (mise à jour : 31/08/2023).