Description
-
Innocent III (1198-1216)
-
Le prieur, Geoffrey, et la communauté de l’église de Canterbury
-
XIV kalendas junii, anno tertio
-
-
Latran
-
Titre, général (littere gratiose, cum filo serico)
-
[Autre copie médiévale] F1. ROYAUME-UNI, Canterbury, Dean and chapter, Reg. A, fol. 25 (anciennement 32).
-
[Autre copie médiévale] F2. ROYAUME-UNI, Canterbury, Dean and chapter, Reg. 1, fol. 18v (anciennement 31v).
-
[Cartulaire] F3. ROYAUME-UNI, Londres, British Library, ms Add. 6159 (Ch. Ch. Canterbury Cartulary), fol. 283.
-
Christopher R. Cheney, Mary Cheney, The Letters of Pope Innocent III (1198-1216) Concerning England and Wales. A Calendar with an Appendix of Texts, Oxford : Clarendon Press, 1967, n. 237, p. 217, d'après F1.
-
Augustin Theiner, Vetera monumenta Slavorum meridionalium historiam illustrantia, Rome, 1863 n. 60, p. 48 [rubricelle du registre de chancellerie de la troisième année du pontificat d'Innocent III, perdu].
-
Potthast, Regesta pontificum Romanorum, n. 1021 [en ligne].
-
Christopher R. Cheney, Mary Cheney, The Letters of Pope Innocent III (1198-1216) Concerning England and Wales. A Calendar with an Appendix of Texts, Oxford : Clarendon Press, 1967, n. 237, p. 39-40, d'après F1, F2 et F3.
-
Priori et conventui ecclesiae Cantuariensis concedit, ut possint instituere officiarios suos extrinsecus, prout ab antiquo consueverunt [Potthast].
Indult, following Pope Urban, concerning appointment and dismissal of monastic officials, etc. [Cheney]. -
Innocentius etc., dilectis filiis priori et conventui Cantuariensis ecclesie salutem etc.
Licet in ecclesia vestra, sicut asseritis, prior, supprior, cantor, sacrista, cellerarius, et camerarius, et tres servientes, scilicet dapifer et duo ianitores, curie videlicet et ecclesie, communi consilio et assensu archiepiscopi vestri ac vestro prefici debeant, quia tamen in aliis amministrationibus tam interioribus quam exterioribus liberum fuit hactenus predecessoribus vestris et vobis non requisito ipsius archiepiscopi consilio vel assensu ponere vel ab eis cum exigit necessitas aut utilitas amovere, nos, vestris petitionibus annuentes, vobis ad exemplar pie recordationis Urbani pape predecessoris nostri per huius scripti paginam indulgemus ut institutionem et destitutionem obedientiariorum in ipsis amministrationibus secundum antiquam et rationabilem ipsius ecclesie consuetudinem liberam habeatis.
Ad hec, si prioratum eiusdem ecclesie vacare contigerit vel priorem in locis remotis existere, supprior vel alius qui ordini prefuerit sicut antiqua et rationabilis ipsius ecclesie consuetudo requirit de conventus consilio rebus vestris libere disponere possit.
Nichilominus etiam vobis duximus indulgendum ut cum ecclesia vestra fuerit archiepiscopo destituta, liberum vobis sit iuxta beati Benedicti regulam et consuetudinem ipsius ecclesie fratres necessarios sine contradictione cuiuslibet in collegium vestrum recipere, ita ut benedicendi archiepiscopo cum substitutus fuerit presententur.
Preterea presentibus litteris interdicimus ne quis vos ad recipiendum quemlibet qui alterius ordinis professioni obnoxius fuerit qualibet districtione compellat, cum id sicut asseritis esset consuetudini ecclesie vestre contrarium, et de receptione talium in eadem ecclesia possent scandala suboriri.
Sane novalium vestrorum que propriis manibus vel sumptibus colitis sive de vestrorum animalium nutrimentis nullus a vobis decimas exigere vel extorquere presumat.
Nulli ergo etc. (constitutionis). Si quis autem etc.
Datum Laterani, XIIII kalendas iunii, pontificatus nostri anno tertio. -
Inconnue de Potthast.
Informations
Document
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 176381 (aposcripta-27078), http://telma-chartes.irht.cnrs.fr/en/aposcripta/notice/176381 (mise à jour : 22/03/2023).