Description
-
Innocent III (1198-1216)
-
dilectis filiis priori et conventui Cantuariensi salutem
-
xvi° kalendas iunii pontificatus nostri anno tertio
-
?
-
Latran
-
Titre, général (littere gratiose, cum filo serico)
-
[n.c.] . ?
-
[n.c.] . ?
-
[n.c.] . ?
-
Christopher R. Cheney, Mary Cheney, The Letters of Pope Innocent III (1198-1216) Concerning England and Wales. A Calendar with an Appendix of Texts, Oxford : Clarendon Press, 1967, n. 235 p. ??.
-
Christopher R. Cheney, Mary Cheney, The Letters of Pope Innocent III (1198-1216) Concerning England and Wales. A Calendar with an Appendix of Texts, Oxford : Clarendon Press, 1967, n. 235, p. ?.
-
? [].
-
Innocentius etc. dilectis filiis priori et conventui Cantuariensi salutem etc. Sicut nobis inminet ex officio profectui religionis intendere, ita et nichilominus ex eodem officio cogimur hiis que statuta regularis ordinis inpedire videntur studio pastoralis sollicitudinis obviare. Eapropter dilecti in domino filii dignitatem ecclesie vestre studiosius attendentes, et reputantes indignum ut cum sitis vinculo monastice professionis astricti debeatis alibi quam in vestro capitulo si quando exceditis conveniri, ad exemplar felicis recordationis Urbani pape predecessoris nostri presentibus vobis litteris indulgemus ne quis fratrum vestrorum si quando delinquit ab archiepiscopo vestro cogi possit ut extra capitulum vestrum iudicio sistat super hiis maxime que contingunt beati Benedicti regulam et vestri ordinis disciplinam, sed vos omnes ab eodem archiepiscopo regulariter et honeste tractari statuimus prout antiqua et rationabilis ecclesie vestre consuetudo requirit. Illud etiam artius interdicimus ne predictus archiepiscopus aut alia quelibet ecclesiastica secularisve persona a vobis vel ab aliquo vestrum iuramentum extorqueat aut vobis inpedimentum aliquod prestet quominus aliquos de vestris pro negotiis ecclesie vestre possitis ad apostolicam Sedem libere destinare, sed quotiens necessitas vel utilitas postulaverit mittendi unum vel plures de fratribus vestris ad Romanam ecclesiam liberam vobis concedimus facultatem. Indulgemus etiam vobis ut secundum deum ad profectum capituli libere possitis rebus vestris et quiete disponere et sigillum vestrum sine contradictione cuiuslibet retinere. Nec idem archiepiscopus vel alia quevis persona dispositioni vel amministrationi possessionum aut aliarum rerum vestrarum contra privilegia que vobis apostolica sedes indulsit et contra ecclesie vestre consuetudinem se audeat inmiscere. Prohibemus insuper ne quis vestrum non requisita prioris et conventus licentia septa ipsius ecclesie exire presumat, sed quotiens archiepiscopus absens fuerit, priori et conventui iuxta ipsius ecclesie consuetudinem fratribus exeundi licentiam cum necessitas inminet, vel cum propter negotia vestra laborare ipsos oportet, sit liberum indulgere. Ad hec nichilominus per huius scripti paginam interdicimus ne archiepiscopus priorem vestrum cum institutus fuerit contra statuta Lateranensis concilii et consuetudinem ecclesie vestre a prioratus amministratione sine manifesta et rationabili causa removeat vel ab officii executione suspendat. Nulli ergo etc. (constitutionis). Siquis autem etc. Datum Laterani, xvi° kalendas iunii pontificatus nostri anno tertio.
-
Inconnue de Potthast.
Informations
Document
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 176379 (aposcripta-27076), http://telma-chartes.irht.cnrs.fr/en/aposcripta/notice/176379 (mise à jour : 22/03/2023).