« chartae-galliae-3500 »


Général

  •  
    Jean comte de Rethel

  •  
    Jean de Moreni

  •  
    1246/07

  •  
    Reims

  •  
    charte

  •  
    non suspecté

  •  
    DONATION PAR JEAN, COMTE DE RETHEL, EN ACCROISSEMENT DE FIEF, à JEAN DE MORENI, DE VINGT LIVRÉES DE TERRE ET DE TOUT CE QUE LE COMTE POSSÉDAIT à TERRIER.

  •  
    Je Jehans, cuens de Rettest, fas savoir à tous ceus ki sont et ki à venir sont ki ces presentes lettres verront, ke je ai donné et ottroié à mon tres chier ammi et feable Jehan de Moreni, chevalier, et à son hoir, permanablement, vint livrées de terre au paresis, en acroissance de son fié et en hommage lige. Et auvec ce, je ai donné au devant dit Jehan et à son hoir tout ce ke je avoie à Tairiet, en hommes et en femmes ki en la vile de Tairiet estoient manant au jor ke ces lettres furent faites et données. Et ces choses ci devant dittes, cis Jehans et ses hoirs tenront ligement de mi en fié et en hommage lige, et de mes hoirs ausi. Et à savoir est ke je wel et ottroi ke cis Jehans et ses hoirs prengnent chaskan, sens contredit, ces vint livres devant nommées, en deniers, de mon tonniu de Launoit, le jor des octaules de Paakes. Et s'il avenoit ke cis Jehans ou ses hoirs n'estoent paié de ce fié à ce jor devant dit, li messages ki ce fié iroit querre de par celui Jehan et son hoir, auroit pour chascun jor k'il sejorneroit à Launoit por atendre ce fié de ce jor devant dit en avant, pour lui et pour son cheval, trois sols de paresis, juskes à tant ke cis fiez deseur nommez seroit paiez au sovent nommé Jehan et à son hoir ou à lor message. Et parmi ces choses, cis Jehans m'a quitté por lui et por ses hoirs dis livrées de terre au paresis ke je li avoie données en fié et en hommage, à penre chaskan en mon winage de Rettest, le jor de l'Ascension. Et por ce ke ces choses ci deseur escrites soent tenues fermement à tous jors, je ai fait seeler ces presentes lettres de mon seel. - Ce fu fait et donné en l'an de l'Incarnation Nostre Signor mil deus cens et quarante siz, en mois de jungnet.

  •  
    SAIGE (Gustave) et LACAILLE (Henri), Trésor des chartes du comté de Rethel, t. 1, Monaco, 1902, n° 103, p. 164-165

  •  
    [non indiqué]

  •  
    [non indiqué]

  •  
    Benoit Tock

Informations

Acte

chartae-galliae admin (IRHT), dans  Chartae Galliae

label.quote.chartae-galliae