« chartae-galliae-34999 »


Général

  •  
    1285/12

  •  
    [non indiqué]

  •  
    non suspecté

  •  
    Lettre dou fié Huguenim Galafin, fil monsignour Estene Galafin, de Poloigney.

  •  
    Je Huguenins, diz Galafins, fil çay en arriers mons. Estiene, diz Galafins, de Poloigney, chevaliers, fais savoir à touz ces qui verront et orront ces lettres que j’ay pris en fié dou noble baron mons. Jeham de Chalon, signour d’Arlay, une moie vigne assise ou territoire de Goreson, ou leu que l’on dit à Arbain, delez la vigne Huguenim, dit Fevrier, de Poloigney, d’une part, et delez le chemin, d’autre part, et en suiz antrez en l’omaige doudit mons. Jeham, et promis li ai feauté, sauve la feauté à mes signours, c’est à savoir de mons. Perrin, dit Galafin, dou seignour de Chacins et de l’abbé de Baume; et pour l’omaige que je en ay fait audit noble baron monsignour Jeham, il m’a donné X livres de bons estevenens, lesquex j’ay eues et receues de luy, et bien m’en suis tenuz appaiez. En tesmoingnaige de laquel chose, je, lidiz Huguenins, ay prié et fait metre en ces lettres le seal de la court dou noble baron et puissant le conte de Bourgoigne, douquel l’on use à Poloigney. Faites et données en l’am de l’incarnation Nostre Signour Jhesu Crist corrant per mil CC octante et cinc, ou mois de decembre.

  •  
    PROST (B.), BOUGENOT (S.), Cartulaire de Hugues de Chalon (1220-1319), publié d'après le manuscrit original du British Museum, introduction historique et table par Jules Gauthier, Lons-le-Saunier, 1904, p. 86, n° 126 (Publications historiques et archéologiques de la Société d'émulation du Jura).

  •  
    copie

  •  
    Paris, BNF, collection Moreau, 13-157

  •  
    Numéro CBMA : 9951

Informations

Acte

chartae-galliae admin (IRHT), dans  Chartae Galliae

label.quote.chartae-galliae