Général
-
Alexandre IV (1254-1261)
-
L'abbé et la communauté du monastère de Cluny
-
X kalendas februarii, anno quinto
-
-
Anagni
-
Titre, général (littere gratiose, cum filo serico)
-
[Cartulaire] Bull. Clun., p. 129, col. 1. E. 41, XXXVI et 83, LXXV.
-
Ici tirée du projet CBMA - Corpus Burgundiae Medii Aevi, document Ici reprise de Pierre Simon, Bullarium sacri Ordinis cluniacensis, complectens plurima privilegia per summos pontifices tum ipsi cluniacensi abbatiae, tum ei subditis monasteriis hactenus concessa, Lyon : Jullieron, 1680, p. 129, col. 1., numérisée par le projet Corpus de la Bourgogne du Moyen Âge, [En ligne] http://www.cbma-project.eu
-
Auguste Bernard, Alexandre Bruel, Recueil des chartes de l'abbaye de Cluny. VI. 1211-1300, Paris : Imprimerie nationale, 1903 [en ligne], p. 467, n. 5003.
-
Quod prælati non debeant excedere numerum evectionum in Lateranensi Concilio constitutum, cum parochiales Ecclesias monasterii Clun. et prioratuum Ordinis visitant, neque quidquam eis, aut alicui de ipsorum familia, occasione alicujus officii, aut consuetudinis debet exhiberi, præter procurationes in victualibus moderatas.
-
[Alexander Episcopus servus servorum Dei, dilectis filiis Abbati et conventui Monasterii Cluniacensis salutem et Apostolicam benedictionem.
Exigentibus vestræ Devotionis meritis votis vestris libenter annuimus, et petitiones vestras quantum cum Deo possumus favorabiliter exaudimus. Hinc est quod vestris supplicationibus inclinati auctoritate vobis præsentium indulgemus ut, si Ecclesiarum Prælati numerum Evectionum et personarum in Lateranensi Concilio constitutum, cum vestras, et Monasteriorum, ac Prioratuum vestrorum Ecclesias visitarint, excedere fortè præsumpserint, et ipsi pro Evectionibus, vel personis, in quibus excesserint eumdem numerum, vel aliquis de ipsorum familia, occasione alicujus officii, aut consuetudinis, seu quolibet alio modo, eorumque nomine pecuniam, vel aliquid aliud petierint, præter Procurationes tantum in victualibus moderatas: liberum sit vobis, et Prioribus Monasteriorum, et Prioratuum prædictorum quod taliter petitur denegare. Et si fortè propter hoc dicti Prælati, vel eorum aliquis in Ecclesias ipsas, vel Religiosos, aut Clericos ibidem morantes aliquam sententiam promulgaverint, ipsam decernimus non tenere. Nulli ergo, etc.
Datum Anagniæ X. Kalendas Februarii, Pontificatus nostri anno V.]