Général
-
Clément VI (1342-1352)
-
Le roi de France Philippe VI de Valois
-
IV idus maii, anno tertio
-
-
Villeneuve-lez-Avignon
-
Lettre, général (après 1198, littere cum filo canapis)
-
[Registre de la chancellerie apostolique] R. Registra Vaticana 138, ep. 1062, fol. 282.
-
[Autre copie médiévale] F. FRANCE, Paris, Bibliothèque nationale de France, ms. latin 4124.
-
Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 4, n. CXXII
-
Epistola ad Philippum VI, regem Francorum, quod gravamina per gentes suas Ecclesiae irrogata faciat revocari.
-
Carissimo in Christo filio Philippo, regi Francie illustri, salutem etc.
De sinceritate regali tenemus indubie, sicut etiam sepius ab experto cognovimus, dum status inferior nos haberet, quod sic tua devotio ad Deum et Ecclesiam sanctam suam dirigitur incessanter quod ecclesias et personas ecclesiasticas regni sui non permitteret scienter in suis juribus et libertatibus indebite opprimi vel gravari.
Quamobrem tanto confidentius super hiis porrigimus celsitudini regie preces nostras quanto eas speramus ad exauditionis gratiam favorabilius introduci. Sane quia quedam gravamina prejudicialia nimis nobis sepe exposita illata de novo dicuntur minus provide per gentes regias senescallie Tholosane venerabili fratri nostro Guillelmo, archiepiscopo et ecclesie Tholosane, quorum fit mentio succincta narratione in quadam supplicatione presentibus interclusa, que sibi vera sunt ut habet sufficiens assertio fide dignorum ac fervidorum honoris et commodi regii zelatorum, qui noverunt per diutinam experientiam statum illius patrie, presertim in juribus regiis conservandis, velut alias insolita ac de novo presumpta juri et rationi obviant manifeste, quibusque, si remanerent irreparata et non revocata, quod absit, libertas ecclesiastica enormiter lederetur, et ecclesia Tholosana predicta oppressa nimium in suis juribus et honoribus remaneret, magnificentiam tuam attentius deprecamur quatinus super contentis in dicta supplicatione nobis pro parte dicti archiepiscopi presentata velit excellentia regia absque litigiorum anfractibus super eorumdem revocatione gravaminum celerem ac favorabilem expeditionem facere, prout suadebit equitatis benignitas, exhiberi, ac prefatum archiepiscopum, qui vir multorum meritorum et eminentis existit scientie, quique sue ecclesie nequit prosequi negotia senio et aliis impedimentis detentus, habere ob divinam et apostolice Sedis reverentiam super hiis et aliis pietate regia propensius commendatum, sic quod a Deo eterne retributionis mansuetudo regia acquirat premium et digne laudis preconiis attollatur.
Datum apud Villamnovam, Avinionensis dyocesis IIII ydus maii, anno tertioa. -
(a) Bal., msLat.122. (omission)
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20112 (aposcripta-99), http://telma-chartes.irht.cnrs.fr/aposcripta/notice/20112 (mise à jour : 21/12/2020).