Général
-
Clément VI (1342-1352)
-
Le roi de Majorque Jacques
-
après 1344 - avant 1344
-
s.l.
-
Lettre, général (après 1198, littere cum filo canapis)
-
[Autre copie médiévale] G. FRANCE, Bibliothèque nationale de France, ms. latin 4124, p. 29.
-
Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 4, n. CVIII.
-
Ad Jacobum, regem Majoricarum.
-
Carissimo in Christo filio Jacobo regi Majoricarum illustri salutem.
Magnificentie tue nuper litteras recepimus per quas inter cetera prudentia regia cum instantia postulabat a nobis ut non obstante missione dilecti filii nostri Bertrandi tituli Sancti Marci presbiteri cardinalis, apostolice Sedis nuncii, ad te, carissime fili, et carissimum in Christo filium nostrum Petrum regem Aragonum illustrem, quos hostis pacis suscitatis invicem odiis et rancoribus procuravit disjungi, ad partes illas pro tractanda et reformanda inter vos mutua concordia per nos de fratrum nostrorum consilio specialiter destinati, tibi tam contra regem ipsum quam contra Majoricenses subditos exhibere justitiam curaremus, quibusdam aliis expressis in eisdem litteris concludentibus ad hoc ex debito pastoralis officii nos teneri. Sane, fili dilectissime, tuam volumus celsitudinem non latere quod super missione cardinalis predicti et hiis que agenda essent circa negotium hujusmodi dudum habita cum eisdem fratribus deliberatione provida et matura, nobis et ipsis visum fuit expediens fore super eodem negotio per vias tractatus amicabilis, omissa pro tunc via justitie, procedendum ; tuncque cardinalis prefatus, presens in predictis omnibus, fuit coram nobis et eisdem fratribus protestatus expresse quod si per viam justitie vellemus procedere, illuc veniret, et postquam accessisset, et audiret processus fieri per viam hujusmodi, a vobis inchoari quomodolibet, remanere non intendebat in eisdem partibus, nisi per nos ordinaretur, sed ad nostram potius redire presentiam festinaret.
Porro super contentis in predictis litteris deliberatione prehabita diligenti adhuc credimus expedire quod per modum tractatus predicti, omissa quoad presens via justitie, que, attentis statu personarum et qualitate negotii non parum ardui, sicut nosti, prolixa nimis cogente necessitate juris existeret, et per eam forsan non posses sic celeriter ut estimas quod intendis assequi, procedatur. Verumtamen si eam tua circumspectio regia velit omnino aggredi, super quo tue intentionis propositum cures prefato cardinali clarius explicare, nos illam, in qua sumus ex debito servitutis apostolice debitores omnibus, denegare tibi non possumus nec debemus. Quamobrem prefato cardinali scribimus ut, si procedi per viam justitie volueris ut prefertur, ad quam exhibendam, quantum cum Deo fieri poterit, offerimus nos paratos, redire ad eamdem presentiam nostram, si expedire cognoverit, non postponat.
Datum.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20101 (aposcripta-88), http://telma-chartes.irht.cnrs.fr/aposcripta/notice/20101 (mise à jour : 06/10/2020).