Général
-
Clément VI (1342-1352)
-
L'infant d'Aragon Pierre.
-
V idus junii, anno tertio
-
-
Avignon
-
Lettre, général (après 1198, littere cum filo canapis)
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 138, ep. 44, fol. 12.
-
[Autre copie médiévale] F. FRANCE, Paris, Bibliothèque nationale de France, ms. latin 4124 (ancien Colbert 1302), copie du XVIIe siècle.
-
Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 4, n. CVII, d'après R.
-
Étienne Baluze, Vitae paparum Avenionensium, d'après F.
-
Ad Petrum infantem Aragoniae de negotio regni Majoricarum.
-
Dilecto filio nobili viro Petro infanti, nato clare memorie Jacobi regis Aragonum, comiti Ripacurcie, salutem etc.
Attentis pacis commodis et guerrarum periculosis discriminibus diligenti meditatione pensatis et nichilominus quantum deceret Deoque gratum et rei publice utilitati accommodum existeret si caritatis, pacis et unitatis vinculum inter carissimos in Christo filios nostros Petrum, Aragonum, nepotem tuum, et Jacobum, Majoricarum reges illustres, quos de eadem regali prosapia descendentes nexus sanguinis et affinitatis conjungit, vigeret indissolubiliter, odiorum et dissensionum, quibus eos invicem disjungi procuravit hostis humani generis, vepribus extirpatis, sepius in nostre considerationis examine non sine mentis anxietate deducto, pro reformanda inter reges ipsos sic periculose dissidentes concordia non parum hactenus, sicut tue nobilitatis novit prudentia, laboravimus, propter hoc diversas et varias apostolicas litteras et solempnes nuncios tam sancte romane Ecclesie cardinales quam alios destinando. Sane quia hostis ipse sator discordie cunctorumque malorum incentor suo flatu venenoso sic ignem dissensionum ipsarum in flammas nocivas et perniciosas non modicum accendere procuravit quod labores hujusmodi nequaquam fructum quem expectabamus desiderabiliter produxerunt, nos more patris benivoli, quem non pretereunt filiorum incommoda, verentes regum ipsorum discriminosa dispendia, oppressiones innocentum, et pauperum, ac ipsorum, et aliorum, lapsus rerum, personarum excidia, et animarum amarius deploranda pericula, innumeraque alia mala et scandala ex guerris, quibus divina majestas graviter provocatur et offenditur, provenientia, et eis quantum possumus salubribus occurrere remediis cupientes, non desistendo quomodolibet ab inceptis, dilectum filium nostrum Bertrandum1, tituli Sancti Marci presbiterum cardinalem, apostolice Sedis nuncium, virum utique profundi pectoris, litterarum scientia, circumspectionis et probitatis maturitate conspicuum, zelatorem pacis, veritatis, justitie, ac in magnis et arduis expertum negotiis, ad eosdem reges et partes illas pro premissis de fratrum nostrorum consilio providimus destinandum. Cum autem inter ceteros de domo regali Aragonum descendentes te, fili, multum, ut existimamus, deceat circa reformandam hujusmodi pacis et unitatis concordiam et extirpandam discordiam studiosis et benevolis sollicitudinibus laborare, nobilitatem eamdem rogamus et attentius in Domino exhortamur quatinus ea que premisimus, necnon quantum ex tuis hujusmodi laboribus mereri, preter laudis humane preconium, poteris apud Deum, quantumque honoris accrescat regi predicto Aragonum si postquam Deus sibi contra dictum regem Majoricarum gloriosam dederit victoriam, clementer erga eum rigore temperato mansuetudine se gesserit, in examine recte considerationis adducens, prefatum regem Aragonum ad viam admittendam et prosequendam pacificam, et guerrarum fremitus, quibus Deus pacis graviter, sicut premissum est, offenditur, declinandos inducere tueque cooperationis ministerium efficaciter exhibere circa hoc tam pie quam benevole non postponas, prefato cardinali operosis assistendo nichilominus studiis in hac parte.
Datum Avinioni, Va ydus juniib, anno tertioc. -
(a) ii, Bal.107.
-
(b) maii, Bal.107.
-
(c) secundo, Bal.107.
-
Rinaldi, Annales ecclesiastici, ad annum 1344, § 34.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20100 (aposcripta-87), http://telma-chartes.irht.cnrs.fr/aposcripta/notice/20100 (mise à jour : 06/10/2020).