« aposcripta-81 »

Johannes etc. dilectis filiis archidiacono Montaldensi,.... de Fargis et B. de... canonicis ecclesie..., salutem et apostolicam benedictionem. Sua nobis venerabilis frater noster P... de... episcopus... petitione monstravit quod eo episcopo existente, abbas et conventus monasterii Case Dei, Premonstratensis ordinis, Auxitanensis dyocesis, asserentes quod P... de..., clericus ejusdem dyocesis, super terris, debitis, possessionibus et rebus aliis injuriatur eisdem, et quod ejusdem clerici potentiam perhorrescentes, eum infra civitatem seu dyocesim Auxitanensem non poterant convenire secure, contra eumdem clericum super hiis nostras ad B... de.... canonicum Tholosanum in communi forma litteras impetrarunt, dictumque episcopum super quibusdam terris et possessionibus tunc expressis, super quibus eumdem episcopum eis injuriari falso dicebant, fecerunt coram eodem canonico pretextu dictarum litterarum ad judicium evocari. Ex parte vero ipsius episcopi fuit coram eodem canonico excipiendo propositum quod cum dicte littere contra P... de..., clericum dicte Auxitanensis dyocesis, impetrate fuissent, prout ex earum tenore liquido apparebat, dictus P. episcopus per litteras ipsas, que ad ipsum episcopum se minime extendebant, conveniri de jure non poterat neca debebat. Et quia dictus canonicus eum super hoc audire contra justitiam recusavit, pro parte ipsius episcopi sentientis exinde [in] debite se gravari fuit ad Sedem apostolicam appellatum. Quocirca discretioni vestre per apostolica scripta mandamus quatinus, vocatis qui fuerint evocandi, et auditis hinc et inde propositis, quod justum fuerit appellatione remota decernatis, facientes quod decreveritis per censuram ecclesiasticam firmiter observari. Testes, etc. Quod si non omnes, etc. Datum Avinioni, VIJb kal. maij, pontificatus nostri anno decimo septimo.