Général
-
Jean XXII (1316-1334)
-
Pour mémoire perpétuelle de la chose
-
Idus novembris, anno quarto
-
-
Avignon
-
Bulle (ad perpetuam rei memoriam)
-
[Registre de la chancellerie apostolique] Registra Vaticana 70, De curia , c. 19, fol. 7
-
Baluze s’est servi du ms. latin 4114 (ancien Colbert 829), fol. 93.
-
Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 3, n. LIX, p. 389-390.
-
Bulla Joannis XXII continens processum contra illos qui spoliaverunt curiales et cives in civitate Carpentoratensi.
-
Ad perpetuam rei memoriam.
Clamores validos et querelas frequentius repetitas quibus multitudo querentium se dudum Carpentorati, dum inibi, apostolica Sede vacante, romana curia residebat, fuisse temere bonis omnibus mobilibus spoliatos, apostolicum officium sepius excitavit ulterius salva conscientia preterire non possumus, quin contra spoliatores ipsorum, quos tanti temporis exacti decursio ad recognitionem culpe et satisfactionem spontaneam deducere debuisset, juxta debitum pastoralis officii procedamus. Sane, sicut evidentia facti notorium cunctis reddit, dudum Sede vacante predicta, nobisquea una cum fratribus nostris sancte romane Ecclesie cardinalibus, de quorum numero tunc eramus, existentibus in conclavi pro electione romani pontificis celebranda, zizaniorum sator omniumque malorum incentor inter curiales et alios, in dicta civitate et extra illam in locis prope positis commorantes, sic ingens odium peperit gravesque discordias suscitavit quod congredientibus et hostiliter certantibus invicem, preter strages et vulnera ex hujusmodi congressione secuta, nonnulli iniquitatis filii partem civitatis ipsius supposuerunt ignis incendio concremandam, ita quod manus improbas relaxantes ad predam, nonnullos romanos et alios mercatores et curiales curiam romanam sequentes, et alios qui de diversis locis et partibus ad dictam curiam venerant et tunc inibi morabantur, nonnullos etiam cives Carpentoratenses hostiliter invaserunt, et eos pecuniarum summis, pannis et bonis aliis mobilibus, prout ipsorum habet lacrimosa conquestio, nequiter spoliarunt; propter quod ipsorum aliqui, sicut ex eorum lugubri assertione percepimus, ad illius egestatis inopiam devenerunt ut ipsi cum eorum familiis cogantur miserabiliter mendicare. Quare mercatores, curiales, cives et ceteri alii spoliati predicti, ad nos propterea recurrentes, supplicarunt nobis super hiis de oportuno eisb remedio provideri. Nos igitur eisdemc, quibus paterno affectu compatimur, deesse in justitia non valentes, in qua sumus omnibus debitores, ac insuper dilectorum filiorum populi romani, quos, utpote peculiares ejusdem Ecclesie filios, precipue gerimus in visceribus caritatis, et aliorum predictorum, quos manus improba eorumdem diripientium spoliavit, instantibus precibus inclinati, de consilio fratum nostrorum, omnes et singulos spoliatores eosdem et quoscumque alios, ad quos pecunie, panni et bona hujusmodi perveneruntd, et ceteros qui sciunt vele noverunt spoliatores eosdem, aut pecuniarum, pannorum et bonorum hujusmodi detentores, tam clericos quam laicos, cujuscumque dignitatis, status vel conditionis existant, apostolica auctoritate monemus districte, sub excommunicationis pena precipientes eisdem, ut ipsi spoliatores et detentores et eorum, ut predicitur, notitiam obtinentes, nunc in curia ipsa presentes, et alii infra duas dietas prope curiam morantes eamdem infra unius, alii vero longinquius, citra mare tamen, moram trahentes infra trium et qui in ultramarinis partibus commorantur infraf novem mensium spatium computandorum a data presentium, pecunias, pannos et bona predicta, in quibuscumque consistant, aut extimationem eorum hiis quorum fuerunt, si scire poterunt, per se velg alios, alioquin thesaurariis nostris, restituenda spoliatis predictis quorum fuerunt, cum plena integritate restituere et assignare, ac spoliantium et detentorum ipsorum nomina, nisi sciverint quod ipsi pecunias, pannos et bona hujusmodi, juxta monitionem et mandatum hujusmodi, restituerint, nobis seu dictis thesaurariis revelare procurent. Quod si forte spoliatores, detentores, et conscii seu cognitores ipsorum monitioni hujusmodi infra dictos terminos, ut premittitur, efficaciter non parebunt, ex tunc ipsos et ipsorum quemlibet, de ipsorum fratrum consilio, excommunicationis sententie decernimus subjacereh, ad graviores penas contra eos processuri, sicut inobedientia ipsorum exegerit et viderimus expedire. Non obstante si aliquibus communiter vel divisim a Sede apostolica sit indultum quod interdici, suspendi vel excommunicari non possint per litteras apostolicas non facientes plenam et expressam, ac de verbo ad verbum, de indulto hujusmodi mentionem.
Ut autem hujus monitionis et mandati nostrorum processus hujusmodii ad ipsorum et omnium communem notitiam deducatur, cartas sive membranas processum hujusmodi continentes ecclesie Avinionensis appendi vel affigi hostiis faciemus, que processum ipsum suo quasi sonoro preconio et patulo indicio publicabunt, ita quod illi, quos hujusmodi processus contingit, nullam possint allegationem pretendere vel ignorantiam allegare quod ad eos processus hujusmodi non pervenerint vel quodj ignorarint eumdem, cum non sit verisimile remanere apud ipsos incognitum vel occultum quod tam patenter est omnibus publicatum. Nos enim processum monitionis et mandati hujusmodi perinde valere decernimus et apprehendere monitos memoratos ac si personaliterk inventi super premissis fuissent moniti nominatim, constitutione qualibet per predecessores nostros romanos pontifices in contrarium edita non obstante.
Datum Avenioni, ydus novembris, pontificatus nostri anno quarto. -
(a) nobis, Bal.
-
(b)
placé aprèshiispar Bal. -
(c) eisdem igitur, Bal.
-
(d) pervenerint, Bal.
-
(e) Bal. (omission)
-
(f) Bal. (omission)
-
(g) per, Bal. (addition)
-
(h) subjacere decernimus, Bal.
-
(i) Bal. (omission)
-
(j) pervenerit vel, Bal.
-
(k) specialiter, Bal.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20086 (aposcripta-73), http://telma-chartes.irht.cnrs.fr/aposcripta/notice/20086 (mise à jour : 13/02/2020).