Général
-
Jean XXII (1316-1334)
-
Les archidiacres d'Avignon et de Montpesat (diocèse de Cahors) et le chanoine d'Agen Pierre de Savinhac.
-
VII ydus augusti, pontificatus nostri anno tertio
-
-
Avignon
-
Titre, général (littere gratiose, cum filo serico)
-
[Registre de la chancellerie apostolique] R. D’après le registre d’Avignon 12, fol. 352.
-
[Expédition] E. Baluze s’est servi d’un original appartenant à l’église de Sarlat, ex authentico ecclesiæ Sarlatensis.
-
Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 3, n. LII
-
De unione decanatus Issigiacensis cum mensa episcopali Sarlatensi.
-
Johannes, episcopus, servus servorum Dei, dilectis filiis .. Avinionensi et .. de Montepesato Caturcensis archidiaconis, ac Petro de Savinhiaco, canonico Agennensis ecclesiarum, salutem et apostolicam benedictionem.
Ad Sarlatensem ecclesiam, quam olim monasterium, ordinis sancti Benedicti, pro divini cultus augmento, de fratrum nostrorum consilio in cathedralem ereximus, tanquam ad opus manuum nostrarum specialis gerentes dilectionis affectum, quanto eam ampliori dilectione prosequimur et portamus sincerius in visceribus caritatis, tanto sua libentius commoda promovemus, illaquea sibi benevolentia paterna concedimus que suis fore necessitatibus conspicimus opportuna.
Cum itaque mensa episcopalis Sarlatensis, secundum sui status honorem, redditus sufficientes non habeat ex quibus supportari valeant onera que sibi incumbunt, sicut exhibita nobis petitiob patefecit, nos, intendentes ut ejusdem mense status in facultatibus augeatur, ut commodius onera predicta valeant supportari, decanatum de Ichigiacoc, ejusdem ordinis, Sarlatensis dyocesis, quem dilectus filius noster Bertrandus, tituli Sancti Marcelli presbiter cardinalis, ad vitam suam, ex concessione apostolica, tenere dinoscitur, ad prefatam Sarlatensem ecclesiam pleno jure spectantem, cujus redditus et proventus octingentarum librarum turonensium parvorum summam annuam ascendere possunt extimatione communi, cum omnibus juribus et pertinentiis suis eidem mense Sarlatensi, pro relevatione onerum predictorum, salvo jure cardinalis ejusdem, unimus, incorporamus et applicamusd perpetuo de gratia speciali, eidem episcopo et successoribus suis Sarlatensibus episcopis, qui pro tempore fuerint, concedentes ut, cedente vel decedente cardinali prefato, vel decanatu ipso alias quocumque modo vacante, possessionem ipsius ingredi et tenere libere valeant, cujusquam alterius super hoc assensu minime requisito, fructus, redditus et proventus, ad decanatum ipsum spectantes, in utilitatem dicte mense libere convertentes, reservata tamen monachis in decanatu ipso degentibus, pro necessariis eorum, congrua et solita portionee, ex qua juxta solitum morem valeant sustentari et alia ipsis incumbentia onera supportare ; non obstante si aliqui super provisionibus sibi faciendis de dignitatibus, personatibus, decanatibus et aliis beneficiis ecclesiasticis, tam regularibus quam secularibus, in illis partibus speciales vel generales a Sede apostolica litteras impetrarint vel eas medio tempore contigerit impetrari, seu quibuslibet litteris et indulgentiis apostolicis generalibus vel specialibus, quorumcumque tenorum existant, per quas effectus litterarum nostrarum impediri valeat quomodolibet vel differri, et de quibus quorumque totis tenoribus de verbo ad verbum habenda sit in eisdem nostris litteris mentio specialis. Nos enim extunc irritum decrevimus et inane si quid contra hujusmodi unionem, incorporationem et applicationem nostras contigerit attemptari.
Quocirca discretioni vestre, per apostolica scripta, mandamus quatinus vos, vel duo aut unus vestrum, per vos, vel per alium seu alios, prefatum episcopum, vel successores suos aut procuratores eorum, ipsorum nomine, cedente vel decedente cardinali prefato, aut decanatu predicto alias quocumque modo vacante, in corporalem possessionem decanatus predicti ac jurium et pertinentiarum ipsius inducatis auctoritate nostra et defendatis inductos, facientes eos pacifica illorum possessione gaudere, sibique de ipsius decanatus fructibus, redditibus, proventibus, juribus et obventionibus universis integre responderi ; non obstantibus omnibus supradictis, seu si aliquibus communiter vel divisim ab eadem sit Sede indultum quod interdici, suspendi vel excommunicari non possint per litteras apostolicas, non facientes plenam et expressam, ac de verbo ad verbum, de indulto hujusmodi mentionem ; contradictores per censuram ecclesiasticam, appellatione postposita, compescendo.
Datum Avenioni, VII ydus augusti, pontificatus nostri anno tertio. -
(B) petitio nobis exhibita, Bal.
-
(a) et illa, Bal.
-
(c) Issigiaco, Bal.
-
(d) univimus, incorporavimus et applicavimus, Bal.
-
(e) pensione, Bal.
-
1. D’après le registre d’Avignon 12, fol. 352 rº et vº. Baluze s’est servi d’un original appartenant à l’église de Sarlat, ex authentico ecclesiæ Sarlatensis.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20081 (aposcripta-68), http://telma-chartes.irht.cnrs.fr/aposcripta/notice/20081 (mise à jour : 04/01/2020).