Général
-
Jean XXII (1316-1334)
-
Les évêques de Mende et de Lodève, l'abbé de Bonneval et le prévôt de Maguelonne
-
V idus julii, anno primo
-
-
Avignon
-
Mandement (littere cum filo canapis)
-
[Registre de la chancellerie apostolique] Reg. Vat. 66, c. 3373, fol. 97v.
-
[n.c.] F. FRANCE, Paris, Bibliothèque nationale de France, ms. lat. 6011, p. 85-88 (Historia chronologica parlamentorum patriae Occitanae de Guillaume Bardin). Texte corrompu.
-
[Autre copie médiévale] FRANCE, Toulouse, Bibliothèque municipale, ms 691, fol. 11.
-
Ici reprise d'Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, 3 vol., III, n. XLVIII, p. 253-255.
-
De erectione monasterii Castrensis in ecclesiam cathedralem, et de Deodato, abbate Latiniacensi, facto episcopo ejusdem novae ecclesiae. Sequuntur deinde causae oppositionis Bertrandi, abbatis Castrensis, adversus hanc erectionem episcopatus in monasterio suo.
-
Johannes episcopus, servus servorum Dei, venerabilibus fratribus .. Mimatensi et .. Lodovensi episcopis, et dilecto filio .. abbati monasterii Bonevallis, Ruthenensis dyocesis, ac .. preposito ecclesie Magalonensis, salutem et apostolicam benedictionem.
Nuper, ex certis rationabilibus et manifestis causis, que ad hoc nostrum animum induxerunt, villam de Castris, tunc infra Albiensis dyocesis limites constitutam, qui locus insignis et multiplici commoditate dotatus existit, de fratrum nostrorum consilio et apostolice plenitudine potestatis, per nostras sub certa forma litteras, in civitatem ereximus et civitatis vocabulo duximus decorandam, statuentes ac etiam decernentes ut ecclesia monasterii ipsius loci ordinis sancti Benedicti, tunc monasterio Sancti Victoris Massiliensis subjecti, suo exinde amoto abbate, ex hinc haberetur et existeret cathedralis. Ac deinde volentes eidem ecclesie de pastore ydoneo salubriter providere, in dilectum filium Deodatum, tunc abbatem monasterii Latigniacensis, ordinis sancti Benedicti, Parisiensis dyocesis, direximus oculos nostre mentis, eumdemque de fratrum eorumdem consilio ipsi ecclesie preficimus in episcopum et pastorem, curam et administrationem ipsius ecclesie eidem in spiritualibus et temporalibus committendo. Verum quia predicta ecclesia, quam de bonis episcopatus Albiensis dotare intendimus, nondum dotata existit, nec eidem certi limites assignati [sunt], idemque electus de redditibus et proventibus quibus eadema Castrensis ecclesia antea fruebatur juxta dignitatis sue decentiam nequeat sustentari, apostolica auctoritate decrevimus de bonis episcopatus Albiensis summam quinque milium bonorum turonensium parvorum, ex tunc dicto electo ab Albiensi episcopo, qui est vel pro tempore fuerit, annis singulis persolvendam, donec de redditibus ipsius episcopatus, qui valde dinoscitur habundare, eidem Castrensi ecclesie fuerit, auctoritate nostra, congrua et sufficiens portio assignata.
Quocirca discretioni vestre per apostolica scripta mandamus quatinus vos vel tres aut duo seu unus vestrum, per vos, vel alium seu alios, hujusmodi summam quinque milium librarum de bonis dicti episcopatus Albiensis faciatis, annis singulis, dicto electo a prefato episcopo, pro rata temporis, exhiberi, donec hujusmodi portio dicte ecclesie Castrensi assignata fuerit, ut prefertur, contradictores per censuram ecclesiasticam, appellatione postposita, compescendo; non obstante si aliquibus a Sede apostolica sit indultum quod excommunicari aut interdici vel suspendi non possint per litteras apostolicas, que de indulto hujusmodi plenam et expressam non fecerint mentionem.
Datum Avenioni, quinto ydus juliib, pontificatus nostri anno primo. -
(a) quos eidem, ms.48.
-
(b) junii Bal. et ms lat. 6011.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20080 (aposcripta-67), http://telma-chartes.irht.cnrs.fr/aposcripta/notice/20080 (mise à jour : 22/04/2021).