Général
-
Clément V (1305-1314)
-
L'évêque de Poitiers Arnaud, camérier du pape
-
XIV kalendas junii, anno septimo
-
-
Abolène (diocèse de Tricastin)
-
Titre, général (littere gratiose, cum filo serico)
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 59, c. 32, fol. 232v.
-
[n.c.] Ex archivo S. Petri de Romevo, Bal.
-
Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 3, n. XL
-
Arnaldum de Auxio, episcopum Pictaviensem, S. R. E. Camerarium, declarat sibi reddidisse rationem administrationis suae.
-
Clemens episcopus, servus servorum Dei, venerabili fratri Arnaldo episcopo Pictavensi, camerario nostro, salutem et apostolicam benedictionem.
Fidelis dispensator et prudens, quem Dominus super familiam suam confidenter constituit, digne laudationis meretur premium reportare cum ipse dominus ejus adveniens eum sub fidelitatis et prudentie virtute repererit sibi dispensationis credite ministerium exercere.
Cum itaque nos, qui tuam dum nos status habebat inferior familiaritatem et sollicitudinem familiari ac domestica conversatione probavimus, postquam celestis dignatio ad apostolatus apicem nos assumpsit, administrationem recipiendi donaa, fructus, debita, census et quecumque alia obvenientia nobis et camere nostre, et ex hiisb dispensandi, expendendi [et] administrandi nobis et hospitio, familie ac curie nostre, et Ecclesie romane, tibi usque ad beneplacitum nostrum commisissemus exercendam juxta discretionem a Domino tibi datam, tu, mandatum hujusmodi nostrum devote suscipiens, administrationem ipsam exercuisti fideliter, et nobis petentibus super administratione ipsa reddidisti bona fide plenam, sufficientem et legitimam rationem; qua solerter inspecta et diligenter examinata, de omnibus et singulis que hactenus, a tempore quo ad dictum apicem assumpti fuimus, tam in monetis minutis et grossis argenteis quam florenis auri de Florentia, et monetis aliis aureis, ac in massis et vasis ac anulis argenteis et aureis, lapidibus pretiosis, jocalibus, pannis aureis, sericis, et laneis, et quibusvis utensilibus et supellectilibus, cujuscumque materie fuerint, et aliis quibuscumque bonis mobilibus seu se moventibus aut nominibusc ex quavis causa, quandocumque et ubicumque et a quibuscumque nomine nostro seu romane Ecclesie, per te vel per alium, percepisti, profecto comperimus quod de omnibus et singulis predictis per ted receptis et expensis, per te vel de tuo mandato factis ac traditis pro nobis, hospitio, familia, ac nostra curia et Ecclesia romana, ac de nostro mandato facta dispunctione ac compensatione ac calculatione legitimis omnium et singulorum predictorum penes te de receptis ipsis nulla reliqua seu residua remanere, sed ea nobis integre reddidisti, restituisti seu prestitisti, teque nobis ac nostre camere vel Ecclesie romane usque ad diem date presentium inclusive de predictis aliquid non debere; super quo tuam fidelitatem et solertiam merito commendantes, ac propter hoc volentes tuis indempnitatibus precavere, rationem ipsam per te nobis, ut premittitur, redditam, quam sufficientem, plenam et legitimam reputamus atque decernimus, ratam et gratam habentes, eam ex certa scientia approbamus, teque et successores ad ecclesiam et heredes tuos et tua ac ipsorum bona eorumque possessores de premissis omnibus, apostolica auctoritate, pro nobis et Ecclesia romana, ete ad plenum absolvimus et quitamus, et volumus quod de predictis vel aliquo predictorum nullam unquam de cetero tenearis reddere rationem, nec ad hoc possis ab aliquo coarctari, tibi super hiis ad tuam perpetuam defensionem presentes vera nostra bulla bullatas litteras concedentes.
Nulli ergo omnino hominum liceat hanc paginam nostrorumf decreti, approbationis, absolutionis, quitationis, voluntatis et concessionis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus se noverit incursurum.
Datum Abolene, Tricastrinensis dyocesis, XIIII kalendas junii, pontificatus nostri anno septimo. -
(a) bona, Bal.
-
(b) ipsis, Bal.
-
(c) un blanc dans Baluze.
-
(d) ac, Bal.
-
(e) Bal. (omission)
-
(f) nostri, ms.40.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20077 (aposcripta-64), http://telma-chartes.irht.cnrs.fr/aposcripta/notice/20077 (mise à jour : 20/10/2020).