Général
-
Clément V (1305-1314)
-
V idus novembris, anno quinto
-
-
Avignon
-
Lettre, général (après 1198, littere cum filo canapis)
-
[Autre copie médiévale] F. Ex eodem veteri codice camere computorum Parisiensis, Bal.
-
Ici reprise d'Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 3, n. XXX.
-
Clementis V epistola ad Philippum, regem Francorum, de bonis Templariorum.
-
Clemens episcopus, servus servorum Dei, carissimo in Christo filio Philippo regi Francorum illustri, salutem et apostolicam benedictionem.
Dudum ut securius in negotio templariorum agenda procederent tibi duximus concedendum quod, cum per nos universaliter et tui regni prelatos singulariter certos curatores seu administratores bonorum ordinis templariorum ipsorum ordinassemus constitui, tu, si specialius de aliquibus personis confideres, quas velles cum eisdem administratoribus vel curatoribus administrationi dictorum bonorum et custodie interesse, illas nobis vel certis prelatis, quibus ut ipsi vel eorum aliquis personas, per te ad hoc nominandas, administratoribus seu curatoribus adjungerent supradictis commisimus, adjungere et ponere procurarent, et demum iidem prelati certas personas super hoc eisdem administratoribus seu curatoribus ad nominationem tue magnitudinis adjunxerunt, de quibus dilectus filius nobilis vir Johannes de Hastinges, senescallus Vasconie, nuper ad presentiam nostram accedens, querelam exposuit coram nobis, et nichilominus quamdam super hoc supplicationem exhibuit, quam tibi mittimus presentibus interclusam.
Cum itaque nos, dilectissime fili, carissimum in Christo filium nostrum Edwardum, regem Anglie illustrem, cujus idem senescallus officialis existit, in nostri pectoris intuitu pre multa dilectione portemus tueque ad ipsum tanquam ad filium dirigi plene dilectionis sciamus affectus et propter hoc nedum quod nos ac tu quod ejus dissimulare debeamus injurias, sed potius de sui honoris augmento tenemur sollicite cogitare, magnificentiam regiam rogamus et hortamur attentius quatinus sic prudenter in hiis tui consilii magnitudo provideat sicque remedium adhibeat oportunum quod nullum per illicitos actus administratorum hujusmodi, per te nominatorum, dicto regi prejudicium generetur in posterum, quinymo actibus eisdem subductis, et per hec causa hujusmodi querele sublata, honor et jura regis ipsius in hac parte absque lesionis macula conserventur.
Datum Avinioni, V ydus novembris, pontificatus nostri anno quinto. -
(a) Anno 1309, Bal.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20072 (aposcripta-59), http://telma-chartes.irht.cnrs.fr/aposcripta/notice/20072 (mise à jour : 11/05/2021).