Général
-
Clément V (1305-1314)
-
X kalendas maii, anno quarto
-
-
Avignon
-
Mandement (littere cum filo canapis)
-
[n.c.] Ex archivo Grandimontensi, Bal. Pièce non retrouvée.
-
Ici reprise d'Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 3, n. XXVIII
-
Bulla Clementis V de confirmatione statutorum in ordine Grandimontensi factorum per delegatos papae.
-
Clemens episcopus, servus servorum Dei, dilectis filiis priori et conventui monasterii Grandimontensis, Lemovicensis dyocesis, salutem et apostolicam benedictionem.
Cum olim, sicut vos ignorare non credimus, pro salubri reformatione status monasterii et ordinis vestri ejusque membrorum, tam nos quam dilectus filius Arnaldus, abbas monasterii Fontisfrigidi, Cisterciensis ordinis, Narbonensis dyocesis, sancte romane Ecclesie vicecancellarius, antequam esset per nos ad officium cancellarie Ecclesie predicte assumptus, ejusque in hac parte college, de speciali mandato nostro, multa statuta et ordinationes duxerimus faciendas, discretioni vestre, in virtute obedientie, per apostolica scripta districte precipiendo, mandamus quatinus tu, fili prior, per te vel alium, vos vero, filii conventus, per aliquem seu aliquos procuratores seu nuntios ydoneos fratres dicti ordinis infra viginti dies post receptionem presentium coram nobis comparere curetis, ut post hoc ad confirmandum statuta et ordinationes predictas per ipsos vicecancellarium, tunc abbatem, et ejus collegas factas, et faciendum ea et alia que, ut predicitur, fecimus, perpetuo firmiter observari, ac alias in ejusmodi negotio, quod specialiter insidet cordi nostro, prout utilius et salubrius expedire viderimus, auctore Domino, procedamus.
Datum Avinioni, X kalendas maii, pontificatus nostri anno quarto.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20071 (aposcripta-58), http://telma-chartes.irht.cnrs.fr/aposcripta/notice/20071 (mise à jour : 14/05/2019).