Général
-
Clément V (1305-1314)
-
Les maîtres et écoliers de la faculté de médecine de Montpellier
-
VI idus septembris, anno quarto
-
-
Avignon
-
Titre, général (littere gratiose, cum filo serico)
-
[n.c.] ?. Ex archivo regio Parisiensi, Bal.
-
[Registre de la chancellerie apostolique] R. Registra Vaticana 57, c. 1064, fol. 263v.
-
Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 3, n. XXVI
-
Pro magistris et scholaribus facultatis medicinae in Montepessulano.
-
Clemens, episcopus, servus servorum Dei, dilectis filiis universis magistris et scolaribus facultatis medicine in Montepessulano, Magalonensis dyocesis, commorantibus, salutem et apostolicam benedictionem.
Deus scientiarum altissimus, qui lucem innaccessibilemb habitat super celos, inter clara dona virtutum, que in mentibus sibi cogitationes preparantium veritatisc larga pietate diffundit, incomparabiles thesauros scientie congregat affluenter, ut ipsi tanquam lucerna non sub modio, sed superd candelabrum constituta, domum Domini radiis claritatis illuminent, custodiant in illa justitiam, legem divine majestatis exquirant, et qui sunt in ipsa fidelibus luce resplendeant actionum. Et licet nos, quem ille pastor eternus, qui clavem omnis scientie secum habet, gregi fidelium, ut ipsum pascamus scientia et doctrina, preesse voluit pia dignatione pastorem, in Ecclesie firmamento multorum diversitatem fidelium, qui divitias scientiarum amabiles in sinu ejusdem Ecclesie congregent spatioso, et in [h]orreum Domini grana salutis inferant, stabilire paterne diligentie studiise laboremus, tamen in facultate laudabili medicine eo libentius Ecclesie prefate nutrire cupimus filios eruditos quo frequentius absque peritorum in facultate ipsa ministerio fructuoso vite presentis tabescente vigore scientiarum congeries in corpore mortalitatis humane dissolvitur, et per ministerium ipsumf sanitatis integritas, per quam in eo scientiarum fructus eidem Ecclesie succrescunt amabiles, solidatur.
Sane, oblate nobis vestre petitionis series continebat quod, ex eo quod episcopus Magalonensis, qui est pro tempore, secundum antiqua privilegia studii vestri cum duobus studiig ejusdem magistris, quibus vult, potest dare licentiam practicandi, noscuntur inter alia dispendia provenisse quod interdum minus ydoneis licentia ipsa conceditur ; sicque sit quod vester, filii magistri, honorabilis status vilis efficitur, et exinde prefatum studium gravia suscipit nocumenta. Nos igitur intendentes quod in hujusmodi concessione licentie maturius procedatur, et considerantes attentius quod salus in multis consiliis reperitur, habitaqueh super hiis cum dilectis filiis Arnaldo de Villanovai et Johanne de Alesto, phisico etj capellano nostro, qui olim diu rexerunt, et quibusdam aliis magistris qui regunt ad presens in studio prelibato, et nonnullis aliis qui ad magisterii statum in eodem loco promoti diversis temporibus rexerunt ibidem, quamvis in presentiarum a dicto studio sint absentes, plena deliberatione prehabita, et ab ipsis necnon a quondam magistro Guillermo de Masetok, phisico, dum viveretl, qui etiam longo tempore in studio rexera tmemorato informatione recepta, vestris et multorum ex eis devotis supplicationibus inclinati, apostolica auctoritate statuimus, ejusdem utilitate studii suadente, quod nisi due partes universitatis magistrorum facultatis ejusdem commorantium in studio sepedicto cum episcopo memorato in ejusdem licentie concessione consenserint, eadem concessa licentia, privilegiis antedictis seu consuetudine quacumque contraria nequaquam obstantibus, nullius penitus sit momenti, nec quisquam absque tali licentia, magistris exceptis qui creantur in studio sepedicto, audeat practicare.
Nulli ergo omnino hominum liceat hanc paginam nostri statuti infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus se noverit incursurum.
Datum Avinioni, VI ydus septembris, pontificatus nostri anno quarto. -
(b) immarcescibilem, Bal.
-
(c)
legeveritatemcum Bal. -
(d) supra, Bal.
-
(e) studio, Bal.
-
(f) ipsorum, Bal.
-
(g) Bal. (omission)
-
(h) atque, Bal.
-
(i) Bal. (omission)
-
(j) Bal. (omission)
-
(k) Masero, Bal.
-
(l) vivet,
reg. -
Has literas Karolus IV, rex Francorum, confirmavit anno MCCCXXXI, mense augusto [Baluze, Mollat].
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20070 (aposcripta-57), http://telma-chartes.irht.cnrs.fr/aposcripta/notice/20070 (mise à jour : 01/07/2021).