Général
-
Clément V (1305-1314)
-
Le cardinal-prêtre de Saint-Martin-des-Monts Gentile
-
III nonas novembris, anno primo
-
-
Condrieu
-
Bulle
-
D’après Reg. Vat. 52, fol. 11 vº et le ms. latin 4038 B, fol. 51 vº, cap. 66 (Bibliothèque nationale de Paris).
-
Étienne Baluze, Guillaume Mollat, Vitae paparum Avenionensium. Nouvelle édition revue d'après les manuscrits et complétée de notes critiques, Paris : Letouzey et Ané, 1914-1922, vol. 3, n. XX
-
Clementis V epistola1, qua commendat Gentili presbytero cardinali titulum Sanctae Praxedis de Urbe.
-
Clemens, episcopus, servus servorum Dei, dilecto filio fratri Gentili, tituli Sancti Martini in montibus presbitero cardinali, salutem et apostolicam benedictionem.
Quanto Romanam Ecclesiam, cujus nobile membrum existis, plenius honoras tuorum magnitudine meritorum, tanto per eam uberius honorari mereris ; nosque personam tuam paterne benivolentie plenitudine prosequentes, ad ea libenter intendimus que tui honoris et status respicianta incrementum.
De tua itaque circumspectione plenam in Domino fiduciam obtinentes, curam et administrationem ecclesie Sancte Praxedis de Urbe, cum omnibus suis juribus et pertinentiis, tam in capite quam in membris, in spiritualibus et temporalibus, apostolica tibi auctoritate, usque ad beneplacitum apostolice Sedis, committimus gerendam et exercendam a te, sicut eam hactenus gesserunt et exercuerunt alii ejusdem Romane ecclesie cardinales qui eidem ecclesie Sancte Praxedis pro tempore prefuerunt, recipiendi autem interim fructus, redditus et proventus prefate ecclesie Sancte Praxedis, necnon de illis etiam disponendi ac ordinandi, percipiendi et faciendi per te vel alium quicquid ad premissa utiliter videris expedire, necnon contradictores per censuram ecclesiasticam, appellatione postposita, compescendi plenam et liberam tibi concedimus, auctoritate presentium, facultatem.
Datum apud Condriacum, IIIb nonas novembris, pontificatus nostri anno primo. -
(a) respiciunt, Bal.
-
(b) ii, Bal.
-
1. D’après Reg. Vat. 52, fol. 11 vº et le ms. latin 4038 B, fol. 51 vº, cap. 66 (Bibliothèque nationale de Paris).
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20064 (aposcripta-51), http://telma-chartes.irht.cnrs.fr/aposcripta/notice/20064 (mise à jour : 10/12/2020).