Général
-
Benoît XII (1334-1342)
-
Les ministres et les définiteurs du chapitre général des frères Mineurs qui sera réuni à Cahors
-
IV idus maii, anno tertio
-
-
Avignon
-
Titre, général (littere gratiose, cum filo serico)
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 123, ep. 342.
-
[Registre de la chancellerie apostolique] R. CITÉ DU VATICAN, Archivio segreto Vaticano, Registra Vaticana 132 (secr.), ep. 109, fol. 32.
-
Raynaldi, Ann. eccl., ad a. 1337, n. 30.
-
Konrad Eubel, Bullarium franciscanum sive Romanorum pontificum constitutiones, epistolae, diplomata, t. VI, Rome : Typis Vaticanis, 1902, n. 62, p. 48.
-
Ministris et definitoribus capituli generalis ord. fratrum Min. Caturci celebrandi mandat, ut recipiant ad obedientiam quosdam fratres sui ordinis, qui Michaeli de Caesena adhaeserunt [Eubel].
-
Dilectis filiis ‥ ministris et diffinitoribus capituli generalis ordinis fratrum Minorum in proximo celebrandi Caturci.
Illius licet immeriti vices gerentes in terris, qui errantibus, ut in viam possint redire iustitie, veritatis sue lumen ostendit, libenter illos, quos audimus errare in via huiusmodi, ad eandem reducere, quantum nobis ex alto conceditur, procuramus.
Sane ad nostri apostolatus pervenit auditum, quod nonnulli fratres vestri ordinis, qui olim hoste humani generis instigante ab obedientia et devotione sancte Romane ecclesie prelatorumque dicti ordinis se damnabiliter in suarum animarum salutis dispendium et multorum scandalum subtrahentes Micheli de Cesena, olim prefati ordinis generali ministro, de heresis et scismatis criminibus condemnato, adheserunt ac ipsius Michelis eiusque complicum et sequacium secuti fuerunt, deambulando per devia mortis precipites, horrenda scelera et errores, nunc saniori ducti consilio, apertis rationis oculis, quos excessuum et culparum enormitas excecarat, a deviis huiusmodi ad mortem ducentibus discedere penitus et ad obedientiam et devotionem eiusdem ecclesie memoratique reconciliationem ordinis redire humiliatis et contritis cordibus desiderant, sicut accepimus, et affectant.
Nos igitur, sequendo, quantum possumus, divine miserationis exemplum, fratres predictos, si vera sit eorum contritio, ad misericordiam recipi et animarum ipsorum cupientes providere saluti, vobis, de quorum circumspectione fiduciam in Domino gerimus specialem, ut predictos fratres, qui vera ducti penitentia, suos humiliter super premissis recognoscentes errores et excessus et culpas, ad gratiam, obedientiam et devotionem eiusdem Ecclesie prelibatique reconciliationem ordinis cum vera humilitate petierint se admitti, factis tamen ab eis primitus coram vobis recognitionibus et confessionibus de erroribus et delictis per eos circa premissa commissis ac eisdem recognitionibus et confessionibus in publicas scripturas redactis et insuper heresibus, si forsan inciderunt in eas, abiuratis per ipsos, ad eandem gratiam, obedientiam et devotionem ecclesie memorate atque nostram et eiusdem reconciliationem ordinis recipere misericorditer eisque de absolutionis beneficio ab excommunicationis sententiis, quas incurrerunt propter predicta, providere auctoritate nostra hac vice iuxta formam Ecclesie ac penitentias salutares iniungere, prout expedire animarum ipsorum saluti cognoveritis, valeatis, exceptis tamen eodem Michele ac Francisco de Aesculo, Guillermo Okam, Bonagratia et aliis, qui a quondam Petro de Corbario, tunc antipapa, heresiarcha et scismatico, promotiones ad dignitates vel officia receperunt de facto, plenam concedimus tenore praesentium facultatem ; adiecto tamen specialiter et expresse, quod fratres, quibus de absolutionis beneficio contigerit auctoritate praesentium provideri, ad talia vel similia facinora perpetranda redirent vel deinceps prosilirent, quod absit, in easdem poenas et sententias recidant ipso facto.
Rursus volumus, quod scripturas predictas, quas super eisdem confessionibus, recognitionibus, abiurationibus et absolutionibus confici facietis, nobis destinare quantocius fideliter non tardetis.
Datum Avinione, IV idus maii, anno tertio.
Informations
Acte
Julien
Théry
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 180418 (aposcripta-30579), http://telma-chartes.irht.cnrs.fr/aposcripta/notice/180418 (mise à jour : 23/07/2023).