« aposcripta-26358 »


Général

  •  
    Alexandre IV (1254-1261)

  •  
    L'abbé de Cîteaux, ses co-abbés et toutes les communautés de l'ordre cistercien

  •  
    XIII kalendas julii, anno quinto

  •  
    1259/06/19


  •  
    Anagni

  •  
    Titre, général (littere gratiose, cum filo serico)

  •  
    [Original] E. ITALIE, Milan, Archivio di Stato, AD, pergg., cart. 345, n. 23. Pergamena (mm. 371/368 × 253/250 ; altezza plica mm. 18/19) in ottimo stato di conservazione. Presenza di tre pieghe verticali e due pieghe orizzontali. Alcune muffe sparse e leggere abrasioni dello strato superficiale. Plica a quattro fori. Bolla deperdita. Sistema di rigatura e marginatura a secco [Salemme].

  •  
    Ici reprise de Timothy Salemme, Documenti pontifici nel « tabularium » dell'abbazia cistercense di Chiaravalle Milanese. Da Innocenzo II a Clemente V, Turnhout : Brepols, 2014, n. 69 [en ligne].

  •  
    Alessandro [IV] papa, su petizione di G(iovanni), cardinale prete del titolo di San Lorenzo in Lucina, conferma all’Ordine cistercense i privilegi e le indulgenze a questi precedentemente concessi dalla Sede apostolica, nonostante alcune disposizioni contrarie da quest’ultima promulgate su istanza dei prelati della chiesa gallicana ed altri ecclesiastici ; annulla inoltre le sentenze di scomunica, interdetto e sospensione pronunciate dai predetti prelati contro i membri e le case dell’Ordine sulla base delle disposizioni sopra menzionate [Salemme].

  •  
    Alexander episcopus, servus servorum Dei dilectis filiis .. abbati Cistercii eiusque coabbatibus et conventibus universis Cisterciensis ordinis salutem et apostolicam benedictionem.
    Plantatus olim ina agro ecclesie vester ordo sic a suis primordiis, gratia operante divina, laudabilibus incrementis successive profecit quod, assidue flores proferens, copiosius honestatis et producens uberius fructus vite, inter alia plantaria dominica puritate conversationis, dono scientie et virtutis merito dinoscitur specialiter insignitus. Unde nos, in agro ipso cultores, licet immeriti, a Domino deputati, eundem ordinem grandi prosequi favore proponimusb et exaltationem ipsius iugis diligentie studio multipliciter procurare utc, apostolice gratie rore continue irroratus, maioribus semper Deo tribuente consurgat et dilatetur augmentis.
    Cum igitur apostolica Sedes nonnulla privilegia et quamplures indulgentias ac gratias eidem ordini generaliter et quibusdam ex vobis specialiter sub diversitate temporum duxerit concedenda, nos, cupientes ea que vobis et ipsi ordini a predicta Sede concessa sunt non solum integra et illesa servare, immo potius adaugere, dilecti filii nostri I(ohannis) tituli Sancti Laurentii in Lucina presbiteri cardinalis1 supplicationibus inclinati, huiusmodi privilegia et indulgentias ac gratias vobis et eidem ordini, non obstantibusd quibuslibet constitutionibus, provisionibus, diffinitionibus et ordinationibus factis et promulgatis ab apostolica Sede ad instantiam prelatorum Ecclesie Gallicane et quorumcumque aliorum et quibuscumque litteris super hiis per eos vel per quoscumque alios obtentis a Sede predicta, per quas premissis privilegiis et indulgentiis ac gratiis in nullo derogari volumus, auctoritate apostolica confirmamus et presentis scripti patrocinio communimus ; decernentes omnes excommunicationis, interdicti ac suspensionis sententias, si quas in vos vel vestrum aliquos aut in monasteria seu quelibet loca dicti ordinis per predictos prelatos aut quoscumque alios pretextu predictarum constitutionum, provisionum, diffinitionum et ordinationum ac litterarum super hiis ab eadem Sede obtentarum promulgari contigerit, irritas et inanes.
    Nulli ergo omnino hominum liceat hanc paginam nostre confirmationis et constitutionis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum Eius se noverit incursurum.
    Datum Anagnie, XIII kalendas julii, pontificatus nostri anno quinto.

  •  
    (a) olim in su rasura.
  •  
    (b) Seconda o corretta da altra lettera principiata.
  •  
    (c) ut su rasura.
  •  
    (d) Rasura in corrispondenza del legatura st.

  •  
    1. Giovanni da Toledo, frate cistercense, cardinale prete del titolo di San Lorenzo in Lucina dal 1244, quindi cardinale vescovo di Porto e Santa Rufina dal 1262 († 1275) [Salemme].

  •  
    Absente des registres. Inconnue de Potthast.

Informations

Acte

Julien Théry (CIHAM (UMR 5648)), dans  APOSCRIPTA database

APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 174896 (aposcripta-26358), http://telma-chartes.irht.cnrs.fr/aposcripta/notice/174896 (mise à jour : 23/01/2023).