« aposcripta-20296 »


Général

  •  
    Innocent III (1198-1216)

  •  
    Le roi d'Aragon

  •  
    Nonas aprilis, anno secundo

  •  
    1199/04/05


  •  
    Latran

  •  
    Lettre, général (après 1198, littere cum filo canapis)

  •  
    [Expédition] E. ESPAGNE, Barcelone, Arxiu de la Corona d’Aragó, Reial Cancelleria, Butlles, lligall 3, núm. 4. a Lletra tancada. Butlla perduda.
  •  
    [Registre de la chancellerie apostolique] R. Reg. Vat. 4, n. 29/28, fol. 150v-151.

  •  
    Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 4.

  •  
    Demetrio Mansilla, La documentación pontificia hasta Inocencio III (965-1216), Rome : Instituto Español de Historia Eclesiástica (Monumenta Hispaniae Vaticana. Sección Registros, 1), 1955, n. 183, p. 199-200.
  •  
    Othmar Haidacher, Werner Maleczek, Alfred A. Strnad, Die Register Innocenz’ III. 2. Pontifikatsjahr, 1199/1200, Rome, Vienne : Verlag der Österreichischen Akademie der Wissenschaften, 1979, n. 28, p. 42-44.

  •  
    Potthast, Regesta pontificum Romanorum, n. 656 [en ligne].
  •  
    Francesc Miquel Rosell, Regesta de letras pontificias del Archivo de la Corona de Aragón, Sección Cancillería Real (Pergaminos), Madrid, 1948, n. 46, p. 40.
  •  
    Paul Maria Baumgarten, Giulio Battelli, Schedario Baumgarten. Descrizione diplomatica di bolle e brevi originali da Innocenzo III a Pio IX, Cité du Vatican, 1965-1986, 4 vol., I, n. 37, p. 10.

  •  
    Innocenci III mana al rei d’Aragó (Pere I el Catòlic) que retiri de la circulació la moneda mancada de pes admesa en el seu regne circumstancialment i que n’encunyí una altra, com la millor que circulà en temps del seu pare. Quant a la culpa contreta pel jurament, si existeix, l’adreça al bisbe de Saragossa (Ramon de Castellazuelo) per a l’absolució [Schmidt, Sabanés i Fernandez].

  •  
    Innocentius episcopus, servus servorum Dei, karissimo in Christo filio .. regi Aragonum, salutem et apostolicam benedictionem.
    Quanto personam tuam inter alios principes christianos sinceriori caritate diligimus, tanto serenitati regie diligentiori sollicitudine volumus precavere, nequid ei quod absit immineat, quod vel in periculum anime aut detrimentum terre valeat redundare.
    Ex tenore siquidem litterarum tuarum et plurium prelatorum necnon et aliorum multorum in tuo regno consistentium nobis innotuit, quod cum adversus inimicos christianitatis, qui pre magnitudine sue potentie terram Hispanie tunc temporis occupabant, in auxilium karissimi in Christo filii nostri .. Castelle regis illustris cum armatorum multitudine festinares, quidam consiliarii tui quinimmo potius deceptores tuum animum induxerunt, ut iurares irrequisito assensu populi usque ad certum tempus patris tui conservare monetam, que tamen circa mortem ipsius fuerat legitimo pondere defraudata.
    Quoniam autem eadem moneta est adeo diminuta et minoris valoris effecta, quod grave propter hoc in populo scandalum generatur, tu quod egeras indiscrete, discrete cupiens revocare ac necessitati populi satisfacere, ab observatione iuramenti predicti, ex quo tibi et regno tuo metuis grave periculum imminere, postulasti suppliciter a nobis absolvi. Super quo diligens indagator veritate comperta potuisset facile intueri, quod non tam erat absolutio necessaria quam interpretatio requirenda, quoniam cum iuramentum fecisti monetam aut falsam aut legitimam esse credebas.
    Si falsam, quod de regia serenitate non credimus, iuramentum fuisset illicitum et nullatenus observandum, et pro eo tibi esset penitentia iniungenda, cum iuramentum, ut esset iniquitatis vinculum, non fuerit institutum. Si vero ipsam legitimam esse credebas, iuramentum licitum fuit et usquequaque servandum. Et ut irreprehensibiliter observetur, consulimus et mandamus, ut reprobata moneta que a legitimo pondere fuerat diminuta, alia sub nomine patris tui moneta cudatur, quam ad legitimum pondus reducas secundum eum statum, quem tempore patris tui habuit meliorem, ita quod et antiqua moneta que ab illo statu falsata non fuerat, cum ea minime expendatur, per quod et dispendium vitari poterit et iuramentum servari. Verumptamen si forte monetam ipsam in prestatione iuramenti credebas a legitimo pondere diminutam et tua super hoc conscientia te remordet, venerabili fratri nostro .. episcopo Cesaraugustano, cui super hoc scribimus, tuum humiliter confitere reatum et satisfactionem, quam indixerit tibi pro illicito iuramento, devote suscipias et studeas adimplere.
    Datum Laterani, nonas aprilis, pontificatus nostri anno secundo.

    Scriptum est super hoc .. Cesaraugustano episcopoa.

  •  
    (a) Scriptum... episcopo R..

  •  
    Lettre reprise dans X, 2, 24, 18 : APOSCRIPTA n. 20312.

Informations

Acte

Julien Théry (CIHAM (UMR 5648)), dans  APOSCRIPTA database

APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 168792 (aposcripta-20296), http://telma-chartes.irht.cnrs.fr/aposcripta/notice/168792 (mise à jour : 22/01/2022).